Praviĺna!

Prystaŭnyja halosnyja i, a §8

  1. Prystaŭnaja halosnaja i pišacca:
    u pačatku slova pierad spalučeńniami zyčnych z pieršaj litaraj m: imšara, imčać, imhla, imhnieńnie, imklivy;
    u pačatku niekatorych sloŭ pierad spalučeńniami zyčnych z pieršymi litarami r, l, kali slova z takimi spalučeńniami zyčnych pačynaje novy skaz abo staić paślia znaka prypynku ci slova, što zakančvajecca na zyčnuju: irža, iržać, irdzieńnie, irvać, iržyšča; ilhun, iĺdzina.

    Iržuć koni, kaliosy skrypiać ad Dona da Buha (Ja.Kupala).
    Časami na celyja kilamietry raśścilalasia daroha roŭnym, niby vybielienym na soncy, iĺnianym palatnom (Ja.Kolas).
    Kali slova z takim pačatkovym spalučeńniem zyčnych staić paślia slova, jakoje zakančvajecca na halosnuju, i paślia jaho niama znaka prypynku, to prystaŭnaja litara i nie pišacca:
    Azalacila vosień polie ržyščam, drevy liściem, humny snapami (K.Čorny).
    Liubliu ja pryvoĺlie šyrokich palioŭ, zialionaje mora ržanych kalasoŭ… (Ja.Kolas).

  2. U niekatorych slovach moža z’jaŭliacca prystaŭnaja halosnaja a: imšara i amšara, iržany i aržany, iržyšča i aržanišča.

  3. Paślia prystavak i pieršaj častki skladanaha slova, jakija zakančvajucca na halosnuju, prystaŭnyja litary i i a pierad r, l, m nie pišucca: zaržavieć, zaržać, zardziecca, zamhliony, zamšely, prymčacca, vokamhnienna.

Zapościć
Adpravić