Praviĺna!

Pravily pastanoŭki pytaĺnika §43

  1. Pytaĺnik stavicca ŭ kancy prostaha skaza (u tym liku slova-skaza), jakim vyražajecca pramoje pytańnie.
    Napryklad:

    Dzie vy, pieśni žniŭnyja? Chto vas adviačorkami paniasie nad nivaju? (P.Broŭka).
    Adkuĺ tut muzyka niasiecca? Čyja tut pieśnia ŭ dušu ĺjecca? (Ja.Kolas).
    – Niaŭžo dačakalisia? Niaŭžo praŭda? – by dzicia, radavalasia dziaŭčyna (V.Bykaŭ).
    – Ha? – nie zrazumieŭ pytańnie dzied (Ja.Kolas).

  2. Pytaĺnik stavicca ŭ kancy skladanazaliežnaha skaza, kali pytańnie vyražana ŭ haloŭnaj i dadanaj častkach abo toĺki ŭ haloŭnaj.
    Napryklad:

    Ci ty, babka, nie viedaješ, chto heta prynios siudy krasak? (Ja.Kolas).
    Chto zhadaje, čaho serca plača? (P.Trus).
    Kraj moj rodny! Dzie ž u śviecie kraj druhi taki znajści, dzie b mahla tak, poruč z śmiećciem, hožaść pyšnaja ŭzraści? (Ja.Kolas).
    Što moža być daražejšaje sercu čalavieka, jak u stalych hadach pačuć ciabie, rodnaje slova, u čužoj staranie? (K.Krapiva).

    Pytaĺnik moža stavicca ŭ kancy skladanazaliežnaha skaza i tady, kali pramoje pytańnie zakliučajecca ŭ dadanaj častcy.
    Napryklad:
    I skažy, dziadok, adkuĺ chmary hetyja vychodziać? (Ja.Kolas).

  3. Pytaĺnik stavicca ŭ kancy skladanazlučanaha i biazzlučnikavaha skladanaha skaza, kali kožnaja jaho častka abo toĺki apošniaja častka vyražaje pytańnie.
    Napryklad:

    Ci heta kazku lies skladaje, ci daĺ ačnulasia niamaja i niemaść pieśniaj parušala? (Ja.Kolas).
    Jaho pakryŭdzili, źniavažyli, a jon budzie klaniacca im? (Ja.Kolas).
    Stamiŭsia ŭ darozie, dy dzie spačyvać? (P.Broŭka).
    Pasluchaj dobra: čuješ pieśni? (Ja.Kolas).

  4. U pytaĺnych skazach z adnarodnymi člienami skaza pytaĺnik moža stavicca paślia kožnaha adnarodnaha čliena z metaj raździalieńnia pytańnia.
    Napryklad:

    Voĺna išli jany [kalhaśniki] puščaj, prycišyŭšy kroki… Strel adzinoki recham tryvožna hluchim dakaciŭsia da ich. Što heta? Strel paliaŭničy? Ci znak tajamničy? (A.Kuliašoŭ).

Zapościć
Adpravić