Vialikaja i malaja litary ŭ nazvach znamianaĺnych padziej i dat, pieryjadaŭ i epoch, śviataŭ §32

1. Z vialikaj litary pišucca: adnasloŭnyja ŭlasnyja nazvy i pieršaje slova ŭ sastaŭnych nazvach znamianaĺnych padziej i dat, pieryjadaŭ i epoch: Varfalamiejeŭskaja noč, Adradžeńnie, Refarmacyja, Kryžovyja pachody, Liadovaje paboišča, Kryčaŭskaje paŭstańnie, Supraciŭlieńnie, Pieršaja suśvietnaja vajna, Druhaja suśvietnaja vajna; adnasloŭnyja ŭlasnyja nazvy i pieršaje slova ŭ sastaŭnych nazvach dziaržaŭnych, tradycyjnych i relihijnych śviataŭ: Dzień Kanstytucyi, Dzień Pieramohi, Dzień Niezaliežnaści Respubliki Bielaruś (Dzień Respubliki), Novy hod, Dzień žančyn, Śviata pracy, Dzień Kastryčnickaj revaliucyi, Naradžeńnie Chrystova, Dzień pamiaci, Dzień bielaruskaj navuki, Dzień viedaŭ, Ušeście Haspodniaje, Uvaskresieńnie Chrystova, Vialikaja subota, Taćcianin dzień, Radaŭnica, Vialikdzień, Kaliady, Kupaĺlie, Dabravieščańnie, Naŭroz, Ramadan.

2. Z maloj litary pišucca nazvy rodaŭ i vidaŭ znamianaĺnych padziej i dat, pieryjadaŭ i epoch, asobnych hadoŭ, dzion i inš.: impieryjalistyčnaja vajna, liutaŭskaja revaliucyja, paŭstańnie Tadevuša Kaściuški, kajnazojskaja era, niealit, epocha fieadalizmu, kapitalistyčnaja farmacyja, pieryjad adnaŭlieńnia, zalaty viek, vysakosny hod, dzień adčynienych dźviarej, sanitarny dzień, miesiačnik darožnaj biaśpieki.