Praviĺna!

Vialikaja i malaja litary ŭ najmieńniach asob, źviazanych z relihijami, nazvach mifalahičnych i kazačnych hierojaŭ §26

  1. Z vialikaj litary pišucca: najmieńni najvyšejšych božastvaŭ (bostvaŭ) u relihijnych kuĺtach, a taksama ŭsie slovy ŭ spalučeńniach, jakija źmiaščajuć hetyja nazvy: Boh, Savaof, Alach, Jachvie, Šyva, Višnu; Hospad (Haspodź), Usiavyšni, Uladyka Niabiesny, Usiemahutny Boh, Śviataja Trojca, Boh Ajciec, Boh Syn, Božy (Boski) Syn, Boh Duch Śviaty, Śviaty Duch, Praśviataja Trojca, Božaja (Boskaja) Maci, Pračystaja Uladyčyca Niabiesnaja, Praśviataja Dzieva Maryja, Caryca Niabiesnaja, Miesija; prymietniki, utvoranyja ad slova Boh: Božy (Boski) sud, Božy (Boski) chram, Božaja (Boskaja) milaść; asabovyja imiony (i ŭsie slovy ŭ sastaŭnych asabovych nazvach, akramia ahuĺnych nazvaŭ) zasnavaĺnikaŭ relihijnych vučeńniaŭ, a taksama bibliejskich asob (apostalaŭ, prarokaŭ, śviatych i inš.): Isus Chrystos, Buda, Brachma; Iaan Chryścicieĺ, Śviaty Paviel; imiony liehiendarnych i mifičnych asob, jazyčnickich bahoŭ: Antej, Zieŭs, Tytan, Vieniera, Furyja, Dažboh, Žyžaĺ, Piarun, Cmok, alie jak ahuĺnyja nazvy: piarun – udar hromu, iuda (juda) – zdradnik, cmok – źmiej, tytan – volat, furyja – zlosnaja istota; ulasnyja nazvy ŭjaŭnych i kazačnych istot, hierojaŭ litaraturnych tvoraŭ: Papialuška, Čyrvonaja Šapačka, Kalabok, Śniahurka, Dzied Maroz, Baba Jaha, Piehas, Bucefal, Atlant, alie jak ahuĺnyja nazvy: dzied-maroz – jolačnaje ŭpryhožańnie, baba-jaha – ahidnaja staraja, bucefal – stary koń, atlant – u architektury; ahuĺnyja nazvy istot, a taksama z’jaŭ i pradmietaŭ, kali jany piersanifikujucca, vystupajuć u roli imionaŭ hierojaŭ litaraturnych tvoraŭ (u kazkach, bajkach i inš.): Miadźviedź, Voŭk, Lisa (Liska), Zajac (Zajka), Asiol, Kaza-dzieraza, Kocik-varkocik, Varona, Saroka-bielaboka, Voran, Pievień, Busiel-kliekatun, Karaś-liežabok, Sonca, Praŭda, Kryŭda i inš.

  2. Z maloj litary pišucca: slova boh (haspodź) va ŭstojlivych vyrazach, źviazanych z vykazvańniem roznych pačućciaŭ u prastamoŭi, a nie sa zvarotam da Boha pavodlie relihijnaj abradnaści i ŭjaŭlieńniaŭ: boh jaho viedaje, boža (božačka) ty moj, boža zbaŭ, daj boža, kryj boh (boža), nie daviadzi boh (boža, hospadzi), ratuj boža, dziakavać (dziakuj) bohu (tabie, hospadzi), boh z taboj (z im, z vami), alach z im; slova boh z ahuĺnym značeńniem bostva ŭ spalučeńni z asabovaj nazvaj abo z nazoŭnikam z ahuĺnym značeńniem u rodnym sklonie: staražytny slavianski boh Piarun, boh sonca Dažboh, Svaroh – boh nieba; ahuĺnyja nazvy ŭjaŭnych istot: archanhiel, aniol, chieruvim, fieja, muza, damavik, liasun, rusalka, hnom, troĺ, zdań, chochlik i inš.

Zapościć
Adpravić